ኢትዮ ቴሌኮም ኣገልግሎት 4ጂ LTE ኣብ 80 ተወሳኺ ከተማታት ኣጀሚሩ

ኢትዮ ቴሌኮም ኣብ 80 ተወሳኺ ከተማታት ሃገርና ኣገልግሎት 4ጂ LTE ከምዘጀመረ ኣፍሊጡ። እቲ ትካል በቲ ናህሪ ዘለዎ ናይ ኢንተርኔት ኣገልግሎት ንክጥቀሙ ንዓማዊሉ ጻውዒት ኣቕሪቡ። ተጠቀምቲ ናይ ሞባይል ሴቲንጎም ናብ LTE/3G/2G (Auto connect) ብምቕያር ክጥቀሙ ይኽእሉ ኢዮም፤ እቲ ሲም ካርድ 4ጂ ዘይድግፍ እንተኾይኑ ድማ ኣብ ቀረቦም ናብ ዝርከብ ማእከል ኣገልግሎት ብምኻድ ብነጻ ክልውጥዎ ከምዝኽእሉ ተገሊጹ። እቶም ሲም ካርዶም ዝልውጡ ዓማዊል ውን ፍሉይ ናይ ጥቅል ስጦታ ከምዝረኽቡ እቲ ኩባንያ ኣመልኪቱ። እዚ ምንቅስቓስ ንዲጂታል ኢትዮጵያ ንምዕዋት ካብ ዝግበር ጻዕሪ ሓደ ምዃኑ ተሓቢሩ።