የአሜሪካ ዲቪ ሎተሪ 2027 ምዝገባ በፍርድ ቤት ታገደ

የአሜሪካ የይግባኝ ሰሚ ፍርድ ቤት የዲቪ ሎተሪ 2027 ምዝገባ እንዲከፈት ቀደም ሲል በታችኛው ፍርድ ቤት ተሰጥቶ የነበረውን ውሳኔ በጊዜያዊነት አግዶታል። ይህ ውሳኔ ነገ ሊጀመር የነበረው የምዝገባ ሂደት እንዲቆም አድርጓል። ክሱ የተጀመረው ሬድ ኢግል ላው በተባለ የህግ ተቋም ቢሆንም፣ ፍርድ ቤቱ የቪዛ ፕሮግራሙ ለህግ ድርጅቶች ቢዝነስ መስሪያ ሊሆን እንደማይገባ ገልጿል። የትራምፕ አስተዳደር ፕሮግራሙን ቀደም ብሎ ማገዱ ይታወሳል። የይግባኝ ሰሚው ፍርድ ቤት ውሳኔ፣ የመንግስትን እግድ በዘላቂነት የደገፈ ባይሆንም፣ የህግ ክርክሩ እስኪጠናቀቅ ድረስ ምዝገባው እንደታገደ እንደሚቆይ አረጋግጧል። በውሳኔው መሰረት የውጭ ጉዳይ ሚኒስቴር ምዝገባውን የመክፈት ግዴታ የለበትም።