ምዝገባ ሎተሪ ዲቪ 2027 ኣሜሪካ ብቤት ፍርዲ ተዓጊዱ

ቤት ፍርዲ ይግባኝ ኣሜሪካ፡ መዝገብ ዲቪ ሎተሪ 2027 ክኽፈት ዝነበረ ውሳኔ ቤት ፍርዲ ታሕቲ ብግዝያዊነት ኣጊድዎ። እዚ ውሳኔ ንጽባሕ ክጅምር ዝነበረ መስርሕ ምዝገባ ከምዝቋረጽ ገይርዎ። እቲ ክሲ ብሬድ ኢግል ላው ብዝተባህለ ትካል ሕጊ ዝጀመረ እኳ እንተኾነ፡ ቤት ፍርዲ ግን መደብ ቪዛ ንትካላት ሕጊ ንግዲ መፍጠሪ ክኸውን የብሉን ክብል ገሊጹ። ምምሕዳር ትራምፕ ቅድሚ ሕጂ ነቲ መደብ ኣጊድዎ ከምዝነበረ ዝዝከር እዩ። ውሳኔ ቤት ፍርዲ ይግባኝ፡ ነቲ ናይ መንግስቲ እገዳ ብቐዋምነት ዝድግፍ እኳ እንተዘይኾነ፡ ክሳብ እቲ ክርክር ሕጊ ዝዛዘም ግን ምዝገባ ከምዝተዓገተ ክቕጽል ከምዝኾነ ኣረጋጊጹ። ብመሰረት እዚ ውሳኔ ድማ ቤት ጽሕፈት ጉዳያት ወጻኢ ንምዝገባ ናይ ምኽፋት ግዴታ የብሉን።