ወረዳ ዓድዋ ሓድሽ ምምሕዳር ኣማራጺ መሪሕነት መሪጸን

ነበርቲ ከተማ ዓድዋ ሰኑይ ጥቅምቲ 23/2019 ዓ.ም ኣብ ዘካየድዎ ምርጫ ንዝቕፅሉ ሽዱሽተ ኣዋርሕ ከተማኦም ዝመርሑ መሪሕነት ኣማራጺ ምምሕዳር መሪጾም። ኢንጅነር ካሌብ መስፍን ከንቲባ ኮይኖም ክምረጹ ከለዉ፡ ኤፍሬም ሓጎስ፡ ኢንጅነር ኣሌክሳንደር መኮነን፡ ሰለሞን ማሞን መምህር ኪሮስ ገ/ክርስቶስን ድማ ኣባላት ካቢኔ ኮይኖም ተመሪጾም። እዚ መስርሕ ምርጫ ነቲ ትማሊ ሰንበት ኣብ ከተማታት ኣክሱምን ተምቤን ዓብዩ ዓዲን ዝተኻየደ መመሳሰሊ መስርሕ ዝስዕብ እዩ። እዞም ሓደስቲ መራሕቲ ኣብ ዋና ከተማታት ዞባ ማእከል ትግራይ እናተኻየደ ኣብ ዘሎ መስርሕ ምምሕዳር ዝተመረጹ እዮም።