በአርሶ አደሮች ይዞታ ማረጋገጫ የምስክር ወረቀት ላይ ተጥሎ የነበረው እገዳ ተነሳ

የአዲስ አበባ ከተማ አስተዳደር መሬት ልማትና አስተዳደር ቢሮ በአርሶ አደር ይዞታዎች ላይ ሲሰጥ የነበረውን የይዞታ ማረጋገጫ የምስክር ወረቀት አገልግሎት ላይ ጥሎት የነበረውን እገዳ ማንሳቱን አስታወቀ። እገዳው አርሶ አደሩን ለማህበራዊና ኢኮኖሚያዊ ቀውስ እንዳይጋለጥ ለመጠበቅ ተጥሎ የቆየ ቢሆንም፣ በመልካም አስተዳደር በኩል ክፍተቶችና ቅሬታዎች በመፈጠራቸው ምክንያት ከነሐሴ 14 ቀን 2018 ዓ.ም ጀምሮ እንዲነሳ ተወስኗል። ቢሮው የመኖሪያ ቤት፣ የድርጅትና የግብርና መጠቀሚያ የይዞታ ማረጋገጫ አገልግሎቶች በከፍተኛ ጥንቃቄና ዲሲፕሊን እንዲከናወኑ ጥብቅ ማሳሰቢያ ሰጥቷል።