Magaalaan Finfinnee Dhorkaa Waraqaa Ragaa Qabiyyee Lafa Qotee Bulaa Irraa Kaase

Biiroon Misoomaa fi Bulchiinsa Lafa Bulchiinsa Magaala Finfinnee dhorkaa waraqaa ragaa qabiyyee lafa qotee bulaa irra kaa'amee ture kaasuu isaa beeksiseera. Dhorkaan kun qotee bulaa rakkoo diinagdee fi hawaasummaa irraa eeguu fi wabii qabiyyee lafa isaanii mirkaneessuuf yaadamee kan kaawwame ture. Ta'us, yeroo dhorkaan kun hojii irra turetti hanqinni bulchiinsa gaarii uumamuu fi abbootii qabiyyee irraa komiin bal'aan dhiyaachaa tureera. Rakkoolee bulchiinsa gaarii kana furuuf fi komii dhiyaateef deebii kennuuf jecha, Biiroon Hagayya 14, 2018 E.C. jalqabee dhorkaa kana kaasuuf murteesseera. Kaafamuun dhorkaa kanaa waraqaa ragaa qabiyyee lafa jireenyaa, dhaabbataa fi qonnaaf kennaman dhandhata. Biiroonis qaamoleen dhimmi ilaallatu hundi hojii kana of eeggannoo olaanaa fi naamusaan akka raawwatan akeekkachiisa cimaa kenneera.