የአርባምንጭ ነዋሪዎች በዝንጀሮ ጥቃት መባባስ ቅሬታ አቀረቡ

የአርባምንጭ ከተማ ነዋሪዎች ከነጭ ሳር ብሔራዊ ፓርክ የሚመጡ የዝንጀሮ መንጋዎች ጥቃትና ውድመት እየተባባሰ መምጣቱን ገልጸዋል። ነዋሪዎቹ ቀደም ሲል ለፍርድ ቤት ባቀረቡት አቤቱታ መሰረት ፓርኩ የመንጋ መሪዎችን እንዲቀንስ ትዕዛዝ ቢሰጥም፣ የተወሰደው እርምጃ በቂ አለመሆኑን እና የዝንጀሮዎቹ ጥቃት ከበፊቱ በከፋ መልኩ መቀጠሉን ይናገራሉ። በተጨማሪም ፓርኩ ለፍርድ ቤቱ የሰጠው መረጃ የተሳሳተ መሆኑን እና ፍርድ ቤቱ ለፓርኩ ማስጠንቀቂያ መስጠቱን ነዋሪዎቹ አስታውቀዋል።

በሌላ በኩል የነጭ ሳር ብሔራዊ ፓርክ የማህበረሰብ አገልግሎት አስተባባሪ፣ ፓርኩ ህጉን ተከትሎ 10 የመንጋ መሪ ዝንጀሮዎችን ማስወገዱን ይገልጻሉ። አስተባባሪው ችግሩን በዘላቂነት ለመፍታት የአርባምንጭ ከተማ ሆቴሎች የምግብ ተረፈ ምርቶችን በአግባቡ እንዲያስወግዱ ጥሪ አቅርበዋል።