ኣብ ሚኒስትሪ ስራሕን ክእለትን ዝተራእየ ገበን ብልሹ ኣሰራር ብዝምልከት መርመራ ይቕጽል ኣሎ

ቤት ፍርዲ ላዕለዋይ ፌደራል፡ ኣብ ሚኒስትሪ ስራሕን ክእለትን ኣብ ልዕሊ ዝርከቡ ሓለፍትን ደላሎን ዝተኸፈተ መርመራ ብልሹ ኣሰራርን ማጭበርበር ሰነድን ንምውዳእ ንፖሊስ ናይ 11 መዓልታት ተወሳኺ ግዜ ፈቒዱ። ብድምር 18 ተጠርጠርቲ ኣብ ትሕቲ ቁጽጽር ዝወዓሉ ኮይኖም፡ ካብዚኦም እቶም ገለ ላዕለዎት ሓለፍቲ ሚኒስትሪ እዮም።

እቶም ተጠርጠርቲ ኣብ ውሽጢ ሽድሽተ ኣዋርሕ ልዕሊ 30 ሽሕ ሰባት ብናይ ሓሶት ቪዛ ናብ ዮርዳኖስ ብምልኣኽን ሕገ-ወጥ ገንዘብ ብምውርዋርን ተጠርጢሮም ኣለዉ። ፖሊስ ኣብ ዘካየዶ መርመራ ልዕሊ 261 ሚሊዮን ብር ከምኡውን 6 ኣባይትን 4 መካይንን ኣብ ትሕቲ ቁጽጽር ኣውዒሉ ኣሎ። እቲ ጉዳይ ብፖሊስ ፌደራል ክትትል ዝግበረሉ ዘሎ ኮይኑ፡ ቀጻሊ ቀጠሮ መስከረም 29 2018 ዓ.ም. ተታሒዙ ኣሎ።