የኤልኒኖ ተጽዕኖ በኤሌክትሪክ ኃይል ማመንጫ ግድቦች ላይ የ20 በመቶ የውሃ መቀነስ አስከተለ

የኢትዮጵያ ኤሌክትሪክ ኃይል በኤልኒኖ ክስተት ምክንያት ወደ ዋና ዋና የኃይል ማመንጫ ግድቦች የሚገባው የውሃ መጠን ባለፉት ወራት በአማካይ 20 በመቶ ያህል መቀነሱን አስታውቋል። ተቋሙ በተለይ የኢትዮጵያ የኃይል ምርት አከርካሪ የሆኑት ታላቁ የኢትዮጵያ ህዳሴ ግድብና ግቤ ሦስት ለዚህ ተፅዕኖ መጋለጣቸውን ገልጿል።

በዚህም ምክንያት ለ2019 በጀት ዓመት የታቀደው የኃይል ምርት ከባለፈው ዓመት ጋር ሲነጻጸር በ10.3 በመቶ ቅናሽ ታይቶበታል። ተቋሙ ከውጭ ምንዛሬ በሚያገኘው ገቢ ላይም የ41.5 በመቶ ቅናሽ ይጠበቃል። ለዚህ የገቢ ቅናሽ ዋነኛው ምክንያት ለዳታ ማይኒንግ ኩባንያዎች የሚቀርበው ኃይል መቀነሱ ነው። የውሃ መጠኑን ሙሉ ሁኔታ ለማወቅ መስከረምና ጥቅምት ወሳኝ መሆናቸውን የጠቀሰው ተቋሙ፣ በወሩ መጨረሻ የዳታ ማይኒንግ የኃይል አቅርቦት ላይ ውሳኔ እንደሚሰጥ ገልጿል።