ጽልዋ ኤልኒኖ፡ ኣብ ቀንዲ መፍረዪ ሓይሊ ኤሌክትሪክ ኢትዮጵያ 20 ሚእታዊት ምንካይ ማይ ተመዝጊቡ

ኤሌክትሪክ ሓይሊ ኢትዮጵያ ብሰንኪ ኤልኒኖ ኣብ ቀንዲ መፍረዪ ሓይሊ ኤሌክትሪክ ግድባት ዝኣቱ ማይ ብማእከላይ ደረጃ 20 ሚእታዊት ከም ዝነከየ ኣፍሊጡ። እዚ ተጽዕኖ’ዚ ብፍላይ ንዓበይቲ ግድባት ኢትዮጵያ ዝኾኑ ህዳሰን ግቤ ሰለስተን ከም ዝጸለወ ገሊጹ።

በዚ ምኽንያት፡ ንበጀት ዓመት 2019 ዝተተለመ ምርቲ ሓይሊ ኤሌክትሪክ ካብ ዝሓለፈ ዓመት ብ10.3 ሚእታዊት ምንካይ ኣለዎ። እቲ ትካል ካብ ወጻኢ ወገን ዝረኽቦ መኽሰብ እውን ብ41.5 ሚእታዊት ከም ዝንኪ ይጽበ። ቀንዲ ምኽንያት ናይዚ ምንካይ ኣታዊ፡ ነቶም ዳታ ማይኒንግ ንዝሰርሑ ትካላት ዝወሃብ ሓይሊ ብምቕናሱ እዩ። እቲ ትካል ኩነታት ማይ ንምፍላጥ መስከረምን ጥቅምትን ኣገደስቲ ከም ዝኾኑ ብምግላጽ፡ ኣብ መወዳእታ ጥቅምቲ ድማ ኣብቲ ናይ ዳታ ማይኒንግ ኣቅርቦት ኤሌክትሪክ ውሳኔ ከም ዝህብ ኣፍሊጡ።