የኢትዮጵያ መገናኛ ብዙኃን ባለሥልጣን ለአባይ ቴሌቪዥን ማስጠንቀቂያ ሰጠ፤ ጣቢያው ይቅርታ ጠየቀ

የኢትዮጵያ መገናኛ ብዙኃን ባለሥልጣን በአባይ ቴሌቪዥን ላይ ባካሄደው የይዘት ክትትል የሕግና የጋዜጠኝነት ሙያ ሥነ-ምግባር ጥሰቶችን በመለየቱ ለጣቢያው ማስጠንቀቂያ ሰጥቷል። ከሰኔ እስከ ነሐሴ ባሉት ወራት በተሰራጩ ፕሮግራሞች ከባህል ጋር የሚጋጩ አባባሎች፣ የሴቶችን ክብር የሚነኩ ይዘቶችና ያልተረጋገጡ የመረጃ ምንጮች መጠቀማቸው ተገልጿል። የባለሥልጣኑ ዋና ዳይሬክተር ኃይማኖት ዘለቀ ፈጣን የማስተካከያ እርምጃ እንዲወሰድ ያሳሰቡ ሲሆን፣ የአባይ ቴሌቪዥን ኃላፊዎች በበኩላቸው ስህተቶቹን አምነው ይቅርታ ጠይቀዋል።