Abbaan Taayitaa Miidiyaa Itoophiyaa Tv Abbaayiif Akeekkachiisa Kenne; Dhaabbatichi Dhiifama Gaafate

Abbaan Taayitaa Miidiyaa Itoophiyaa hordoffii qabiyyei miidiyaa Adoolessa hanga Hagayyaatti taasiseen sarbama seeraa fi naamusaa raawwateera jechuun Tiviidhaan Abbaayiif akeekkachiisa kennee jira. Akka gabaasa abbaa taayitichaatti, dhaabbanni kun odeeffannoo, sagantaalee fi beeksisa isaatiin jechoota aadaa fi duudhaa hawaasaa faallessan, qabiyyee dargaggoo irratti dhiibbaa gaarii hin taane uuman, kabaja dubartootaa tuqanii fi madden hordofamanii hin mirkanaa'in fayyadamuu isaatiin balleessaa raawwateera. Hoogganaan Olaantuu Abbaa Taayitichaa Haymaanot Zalaqaa dogoggoronni kunneen tasuma kan hin danda'amne ta'uu ibsuun, tarkaanfiin sirreessaa hatattamaan akka fudhatamu waamicha dhiyeessaniiru. Gama biraatiin, hoogganoonni Tv Abbaay hir'ina uumame fudhachuun dhiifama kan gaafatan dhiyeessan qabiyyee dhaabbatichaa fooyyessuuf akka hojjetan beeksisaniiru.