በሳዑዲ አረቢያ አንድን ኢትዮጵያዊ የገደሉ አምስት ኢትዮጵያውያን በቁጥጥር ሥር ዋሉ

የሳዑዲ አረቢያ መካ ፖሊስ አንድን ኢትዮጵያዊ በከፍተኛ ድብደባ የገደሉ አምስት ኢትዮጵያውያንን በቁጥጥር ሥር ማዋሉን አስታውቋል። ተጠርጣሪዎቹ በራንያ ግዛት በፖሊስ የተያዙት ግለሰቡን ሲደበድቡ የሚያሳይ ቪዲዮ በማህበራዊ ሚዲያ ከተሰራጨ በኋላ ነው። ፖሊስ እንደገለጸው፣ ወንጀሉ የተፈጸመው በተጠርጣሪዎቹና በሟቹ መካከል ቀደም ሲል በነበረ አለመግባባት ምክንያት ነው። ተጠርጣሪዎቹም ሆኑ ሟቹ የሀገሪቱን የድንበር ደህንነት ሕግ ጥሰው እንደነበር ፖሊስ ገልጿል። ጉዳዩ ለሕግ አካላት የተላለፈ ሲሆን ተጠርጣሪዎቹ ከፍተኛ ቅጣት ሊጠብቃቸው ይችላል።