Otoloota Itoophiyaa shan biyya Sa'udii keessatti nama tokko ajjeesaniin to'annoo jala oolan

Poolisiin magaalaa Makka kan Sa'udii Arabaa, Itoophiyaa tokko reebicha hamaadhaan ajjeesuu isaanii kanneen shakkaman Itoophiyaa shan to'annoo jala oolchuu isaa beeksiseera. Shakkamtoonni kunneen kan qabaman erga viidiyoon nama ajjeesaa jiran miidiyaalee hawaasummaa irratti tamsa'ee booda, naannoo Ranyaa keessatti ta'uu poolisiin ibseera. Akka ibsa poolisiitti, shakkamtoonnii fi namni ajjeefame duruu wal-dhabdee akka qaban ibsameera. Namoonni kunneenis ta'e namni ajjeefame seera nageenya daangaa biyyattii cabsuu isaanii poolisiin eeruun, dhimmi isaanii gara qaama seeraatti darbuu fi shakkamtoonni adabbii cimaa eeggachuu malu.