በትግራይ አበርገለ ወረዳ አንዲት እናት አምስት ህፃናትን በአንድ ጊዜ በሰላም ተገላገለች

በትግራይ ክልል ማዕከላዊ ዞን አበርገለ ወረዳ ነዋሪ የሆነች እናት በየጭላ መባእታዊ ሆስፒታል አምስት ህፃናትን በሰላም መገላገሏን የጤና ባለሙያዎች ገለጹ። እናቲቱ ራሷ መንታ ሆና የተወለደች ሲሆን፣ ይህ የመጀመሪያ ልጅ መውለዷ ነው። ከአምስቱ ህፃናት መካከል አራቱ እድገታቸውን ሙሉ በሙሉ ያጠናቀቁ ሲሆን አምስተኛው ግን ከአምስተኛው ወር በኋላ እድገቱ የተስተጓጎለ ነበር። በአሁኑ ወቅት እናቲቱም ሆኑ አምስቱም ህፃናት በጥሩ ጤንነት ላይ የሚገኙ ቢሆንም፣ ህፃናቱን ለማሳደግ የሚያስችል በቂ ገቢ ስለሌላት ድጋፍ እንደሚያስፈልጋት ተገልጿል።