Naannoo Tigraayitti Haati Tokko Daa'imman Shan Yeroo Tokkotti Deessee

Haati Naannoo Tigraay Godina Cakaalee Woreda Abargallee Ganda Simret jiraattu tokko Hospitaala Sadarkaa Jalqabaa Yechilatti daa'imman shan yeroo tokkotti nagayaan deessuu ogeeyyiin fayyaa beeksisaniiru. Ogeeyyiin hospitaalichaa akka ibsanitti, haati kun mataan ishee lakkuu taatee kan dhalatte ta'uu seenaan yaala ishee kan agarsiisu yoo ta'u, kunis da'umsa ishee isa jalqabaati. Daa'imman shananiis keessaa afran isaanii adeemsa guddina isaanii guutuu xumuratanii kan dhalatan ta'uu ibsameera. Daa'imni shanaffaan garuu ji'a shanaffaa booda guddinni isaa waan gufateef osoo umurii guddina isaa hin xumurin dhalateera. Yeroo ammaa haatis ta'ee daa'imman shananuu haala fayyaa gaarii irra kan jiran yoo ta'u, hordoffii fayyaa barbaachisaas argachaa jiru. Hata'u malee, haati kun daa'imman shanansaa gahaatti guddisuuf galii fi jireenya gahaa waan hin qabneef deeggarsi kan isaanii barbaachisu ta'uu ogeeyyiin eeraniiru.