ቀዳማይ ሚኒስትር ኣብይ ኣሕመድ ኣብ ዋዕላ ብሪክስ ምስ መራሕቲ ዓለም ተዘራሪቦም

ቀዳማይ ሚኒስትር ኣብይ ኣሕመድ ኣብ ኒው ደልሂ ኣብ ዝካየድ ዘሎ መበል 18 ዋዕላ ብሪክስ+ ተረኺቦም ምስ መራሕቲ ዓለም ክልተኣዊ ዘተ ኣካይዶም ኣለዉ። ቀዳማይ ሚኒስትር ምስ ቀዳማይ ሚኒስትር ህንዲ ናሬንድራ ሞዲ ኣብ ምክልኻል፣ ምስግጋር ቴክኖሎጂን ልምዓት ማዕድንን ብምትኳር ተዘራሪቦም። ምስ ፕሬዚደንት ኢራን መስዑድ ፔዜሽኪያን ኣብ ዝገበርዎ ዘተ፡ ኣብ ዞባ ቀይሕ ባሕሪ ዘሎ ኩነታት ጸጥታን ምርግጋእ እቲ ዞባን ኣተኲሮም ተመያይጦም። ምስ ቀዳማይ ሚኒስትር ማሌዥያ ኣንዋር ኢብራሂም ኣብ መዳይ ኢንቨስትመንትን ቱሪዝምን ምትሕብባር ንምጥንኻር ተሰማሚዖም። ምስ ፕሬዚደንት ሩሲያ ቭላድሚር ፑቲን ብዛዕባ ንግዲ፣ ኢንቨስትመንትን ዝምድና ህዝቢ ምስ ህዝቢን ዘተኮረ ስትራተጂካዊ ምትሕብባር ተመያይጦም። ከምኡ’ውን ምስ መራሕቲ ሕቡራት ኢማራት ዓረብን ቪየትናምን ኣብ ናይ ሓባር ናይ ልምዓት ዕድላት ተዘራሪቦም። ኣብ መወዳእታ ቀዳማይ ሚኒስትር ኣብይ፡ ኢትዮጵያ ብመገዲ ብሪክስ ዘላቒ ልምዓት ንምምጻእ ዘለዋ ድልውነት ኣረጋጊጾም።