በትግራይ ክልል ዩኒቨርስቲዎች ይማሩ የነበሩ ተማሪዎች በጊዚያዊነት ወደ ሌሎች የመንግሥት ዩኒቨርስቲዎች ሊመደቡ ነው

በትግራይ ክልል በሚገኙ ዩኒቨርስቲዎች ይማሩ የነበሩ ተማሪዎች በክልሉ ባለው ነባራዊ ሁኔታ ምክንያት ትምህርታቸውን መቀጠል ባለመቻላቸው በጊዚያዊነት ወደ ሌሎች የመንግሥት ዩኒቨርስቲዎች እንዲመደቡ ተወሰነ። የትምህርት ሚኒስትሩ ፕሮፌሰር ብርሃኑ ነጋ በአካል ከተገኙ ተማሪዎች ጋር ከተወያዩ በኋላ እንደገለጹት፣ ተማሪዎች በአካል መምጣት ሳይጠበቅባቸው ዛሬ ማታ ይፋ በሚደረግ የበየነ መረብ (Online) መተግበሪያ በመጠቀም መመዝገብ ይችላሉ። ተማሪዎቹ የቀድሞ ዩኒቨርስቲያቸውን፣ የትምህርት ዘመናቸውን እና የትምህርት ዘርፋቸውን በመግለጽ የዝውውር ፎርም መሙላት እንዳለባቸው ተገልጿል።