Barattooni Yunivarsiitiiwwan Naannoo Tigraay Keessa Barachaa Turan Yeroof Gara Yunivarsiitiiwwan Biraatti Qoodamu

Ministeerri Barnootaa barattoota yunivarsiitiiwwan naannoo Tigraay keessatti barachaa turan yeroof gara yunivarsiitiiwwan mootummaa birootti ramaduuf murteesseera. Murteeni kun kan darbe barattooni haala naannicha keessa jiruun barnoota isaanii itti fufuu waan dadhabaniif komii dhiyeessan irratti hundaa'eti. Ministirri Barnootaa Profeesara Birhaanuu Naggaa barattoota furmaata barbaacha gara masaraa ministeerichaa dhufan waliin marii taasisaniin murtii kana beeksisaniiru. Marii kana irratti Ministira Deetaa Profeesara Kindayyaa Gebrehiwoot dabalatee hooggantoonni olaanoo ministeerichaa gaaffilee barattootaaf deebii fi ibsa kennaniiru. Barattoonis qaamaan gara ministeerichaa dhufuu utuu itti hin barbaachisin, sirna toora intarnetiin (online) galmaa'uu akka danda'an ibsameera. Barattooni toora kanaan yunivarsiitii duraan barachaa turan, waggaa barnootaa fi gosa barnoota isaanii guutuudhaan unka jijjiirraa akka guutan gaafatamaniiru.