በትግራይ ዩኒቨርሲቲዎች አንደኛ ዓመት ተማሪዎች አይመደቡም ተባለ

የትምህርት ሚኒስትሩ ፕሮፌሰር ብርሃኑ ነጋ በትግራይ ክልል በሚገኙ ዩኒቨርሲቲዎች አዲስ ገቢ (አንደኛ ዓመት) ተማሪዎች እንደማይመደቡ አስታወቁ። ሚኒስትሩ ውሳኔው የተወሰደው በክልሉ ያለው የጸጥታ ሁኔታ ተማሪዎችን ለመቀበል ምቹ ስላልሆነ መሆኑን ገልጸው፣ ተማሪዎች በግጭት ባለበት አካባቢ እንዲማሩ እንደማይገደዱ አጽንኦት ሰጥተዋል።

ከዚህ በተጨማሪም፣ በግጭት ምክንያት ከትግራይ ክልል የሚወጡ መምህራን ካሉ በሌሎች ዩኒቨርሲቲዎች እንዲያስተምሩ እንደሚደረግ ተገልጿል። ሚኒስትሩ በዩኒቨርሲቲዎች ውስጥ ያለው የጸጥታ ሁኔታ ለትምህርት ጥራት መጓደል እና ለተማሪዎች ደህንነት ስጋት መሆኑን በማንሳት፣ ወጣቶች ትምህርታቸውን በአስተማማኝ ቦታ እንዲከታተሉ አሳስበዋል።