የመቐለ ዓቃቤ ሕግ በዘውዲ ሃፍቱ ግድያ ክስ ይግባኝ ጠየቀ

የመቐለ ዓቃቤ ሕግ ጽህፈት ቤት በዘውዲ ሃፍቱ ግድያ ተጠርጥረው የዕድሜ ልክ እስራት ተፈርዶባቸው የነበሩ ግለሰቦች በነፃ እንዲሰናበቱ በተሰጠው ውሳኔ ላይ ይግባኝ ጠይቋል። ጳጉሜን 4 ቀን 2018 ዓ.ም ለትግራይ ከፍተኛ ፍርድ ቤት በገባው የይግባኝ ጥያቄ ያሬድ ገብረስላሴ እና አንገሶም ሃይለማርያም ከእስር መለቀቃቸው ተቃውሟል።

ከዚህ ቀደም የዕድሜ ልክ እስራት የተፈረደባቸው ግለሰቦች መለቀቃቸው ትችት አስነስቷል። በተለይም ከነዚህ ተጠርጣሪዎች መካከል የአንዱ አባት የሆኑት ኮሎኔል ገብረስላሴ በላይ በትግራይ ፖሊስ ኮሚሽን ምክትል ኮሚሽነር ሆነው መሾማቸው በፍትሕ ሂደቱ ላይ ተፅዕኖ እንዳሳደሩ ተገልጿል። በአሁኑ ወቅት ከእስር የተለቀቁት ግለሰቦች የት እንዳሉ አይታወቅም ሲል መረጃው አመልክቷል።