ቤት ጽሕፈት ዓቃቤ ሕግ መቐለ ኣብ ጉዳይ ቅትለት ዘውዲ ሃፍቱ ይግባኝ ሓቲቱ

ቤት ጽሕፈት ዓቃቤ ሕግ መቐለ ኣብቲ ብቕትለት ዘውዲ ሃፍቱ ተኸሲሶም ዕድሜ ልክ እሱራት ተፈሪድዎም ዝነበሩ ሰባት ብነፃ ተሰናቢቶም ብዝብል መሳለጢ ፍርድ ቤት ዝወሃበ ውሳኔ ይግባኝ ሓቲቱ። እቲ ይግባኝ ጳጉሜን 4 ቀን 2018 ዓ.ም ናብ ላዕለዋይ ቤት ፍርድ ትግራይ ዝቀረበ ኮይኑ፡ ያሬድ ገብረስላሴን አንገሶም ሃይለማርያምን ካብ ቤት ማእሰርቲ ምፍታሖም ተቓዊሙ ኣሎ።

እቶም ዕድሜ ልክ እሱራት ተፈሪድዎም ዝነበሩ ሰባት ምፍታሖም ነቐፌታታት ኣለዓዒሉ እዩ። ብፍላይ ካብቶም ተጠርጠርቲ ሓደ ኣቦ ዝኾኑ ኮሎኔል ገብረስላሴ በላይ፡ ምክትል ኮሚሽነር ኮሚሽን ፖሊስ ትግራይ ኮይኖም ብምውሳኖም፡ ኣብቲ መስርሕ ፍትሒ ተፅዕኖ ኣሕዲሮም እዮም ዝብል ነቐፌታ ይቀርብ ኣሎ። ኣብዚ እዋን እቶም ካብ ቤት ማእሰርቲ ዝተፈትሑ ሰባት ኣበይ ከም ዘለዉ ከም ዘይፍለጥ ተገሊጹ።