በምዕራብ ወለጋ ታግተው የነበሩ የከባድ መኪና አሽከርካሪዎች መለቀቃቸው ተገለጸ

በኦሮሚያ ክልል፣ ምዕራብ ወለጋ ዞን ጊምቢ ከተማ አካባቢ በታጣቂዎች ታግተው የነበሩ የከባድ መኪና አሽከርካሪዎች መለቀቃቸውን የኢትዮጵያ ከባድ መኪና አሽከርካሪዎች ማህበር አስታውቋል። አሽከርካሪዎቹ የተለቀቁት ከሳምንት በፊት በደረሰባቸው የጥቃትና የእገታ ክስተት ሲሆን፣ ማህበሩ ሾፌሮቹ በቤተሰቦቻቸው ጥረት በሰላም ወደ ቤታቸው መመለሳቸውን ገልጿል።

በጥቃቱ ወቅት 14 አሽከርካሪዎች ታግተው እንደነበር ቀደም ብሎ ቢገለጽም፣ ማህበሩ የራሱ አባላት የሆኑትን ዘጠኝ አሽከርካሪዎች መመለስ አረጋግጧል። የተቀሩት የኮንስትራክሽን መኪና ሾፌሮችም መለቀቃቸውን እንደሰሙ ማህበሩ ጠቅሷል። አሽከርካሪዎቹ የተለቀቁበት ሁኔታ በግልጽ ባይታወቅም፣ በማህበሩ በኩል ዋናው ጉዳይ ሕይወታቸው ሳይጠፋ መለቀቃቸው መሆኑን ተጠቅሷል።