Ootuu Wallaggaa Lixaa keessatti butamanii turan ootuu konkolaataa gurguddaa gadhiifamuu isaanii himame

Hoggansi ootuu konkolaataa gurguddaa Itoophiyaa akka ibsetti, namoonni magaalaa Gimbi, Godina Wallaggaa Lixaa keessatti hidhattootaan butamanii turan gadhiifamaniiru. Ootuun kunneen torban tokko dura erga haleellaa irratti raawwatamee fi konkolaatonni isaanii erga gubamanii booda butamanii turan. Ootuun kunneen yaalii maatiin isaanii taasisaniin nagaan gara manaatti deebi'uu isaanii dhaabbatichi ibse.

Yeroo haleellaan sun raawwatame ootuun 14 butamanii turan jedhamee kan gabaasame yoo ta'u, dhaabbatichi miseensota isaa 9 ta'an nagaan gadhiifamuu isaanii mirkaneesseera. Ootuun konkolaataa koonstiraakshinii biroo waliin butamanii turanis gadhiifamuu isaanii akka dhagahan ibsameera. Akkaataa gadhiifamuu isaanii ilaalchisee odeeffannoon kan hin jirre yoo ta'u, dhaabbatichi dhimmi guddichi lubbuun isaanii osoo hin darbin gadhiifamuu isaanii akka ta'e dubbateera.