ኣብ ዶባት ትግራይ፣ ዓፋርን ኣምሓራን ዳግም ዝተወለዐ ግጭትን ምቁራጽ በረራ ኣየር መንገድ ኢትዮጵያን

ኣብ ዶባት ትግራይ፣ ዓፋርን ኣምሓራን ዳግም ግጭታት ከምዝተወለዐ ነበርቲን ኣመራርሓን ኣረጋጊጾም። ቢሮ ኮሙኒኬሽን ክልል ዓፋር፣ ህወሓት ኣብ ዞባ ኪልበቲ ረሱ ኣብዓላን ከባቢኡን ከቢድ ኣጽዋር ብምጥቃም መጥቃዕቲ ከምዝኸፈተ ገሊጹ። ብተመሳሳሊ፣ ኣብ ክልል ኣምሓራ ሰሜን ወሎን ራያ ቆቦን ጽዑቕ ምልውዋጥ ተኩሲ ከምዝነበረ ተሓቢሩ። ብሰንኪ እዚ ኩነታት፣ ኣየር መንገድ ኢትዮጵያ ናብ ከተማታት ትግራይ ዘካይዶ ዝነበረ በረራ ካብ ትማሊ ጀሚሩ ኣቋሪጹ። መዕረፊ ነፈርቲ ብታጣቒታት ከምዝተታሕዘን ድሕንነት ሰራሕተኛታት ኣብ ሓደጋ ከምዘሎን ተገሊጹ። ብተወሳኺ፣ ነበር ፕረዚደንት ግዝያዊ ምምሕዳር ትግራይ ጀነራል ታደሰ ወረደ ሓለዋኦም ከምዝተቐየረን ምንቅስቓሶም ከምዝተገደበን ተሰሚዑ። ብተመሳሳሊ፣ ጀነራል ገብረ ኣድሓና (ገብረ ዲላ) ናብ ፈደራል መንግስቲ ከምዝተጸንበሩ ሓበሬታታት የመልክቱ።