ሕብረት አውሮፓ ኣብ ሰሜን ኢትዮጵያ ተፈጢሩ ዘሎ ወጥሪ ኣመልኪቱ ኣሻቒ ሪኢቶ ሂቡ

ሕብረት ኣውሮፓ ኣብ ሰሜን ኢትዮጵያ ተፈጢሩ ዘሎ ወጥሪን በቲ ግጭት ኣብ ህዝቢ ዘስዕቦ ዘሎ ጽልዋን ኣመልኪቱ ኣሻቒ ሪኢቶ ሂቡ። እቲ ሕብረት ሰራዊት ህወሓት መዓርፎ ነፈርቲ ትግራይ ከምዝቆጻጸርን፣ ሰራዊት ምክልኻል ኢትዮጵያ ድማ ብድሮን ጥቃታት ከምዝፍጽም ዘሎን ብምጥቃስ፣ እቲ ወጥሪ ብቕልጡፍ ክዝሕል ጸዊዑ። ኣምባሳደር ሕብረት ኣውሮፓ ኣብ ኢትዮጵያ ሶፊ ፍሮም-ኢመስበርገር ብወገነን፣ ህወሓት ኣብ ልዕሊ ተቓወምቲ ወገናት ዝወስዶ ዘሎ ናይ ገዛ እሱራት ካልኦት ስጉምትታትን ደው ክብል ኣተሓሳሲበን። እቲ ሕብረት ዘይምርድዳኣት ብወተሃደራዊ ስጉምቲ ዘይኮነስ ብፖለቲካዊ ዘተ ክፍታሕ ከምዝግባእ ኣተሓሳሲቡ፣ ብሕብረት ኣፍሪካ ዝምራሕ መስርሕ ሰላም ከምዝድግፍ ኣረጋጊጹ። ብተወሳኺ ኩሎም ወገናት ንህዝባዊ ሕጊ መሰል ክብሩን፣ ሰብኣዊ ሓገዛት ከይተዓገቱ ክበጽሑ ከምዝግባእን ጸዊዑ።