በጋምቤላ ክልል በተፈጸመ ጥቃት 13 ሰዎች ተገደሉ

በጋምቤላ ክልል ኢታንግ ልዩ ወረዳ በተፈጸመ ተኩስ 13 ሰዎች መገደላቸውን፣ 8 ሰዎች መቁሰላቸውንና 2 ሰዎች ደግሞ የደረሱበት እንደማይታወቅ የክልሉ ፖሊስ ኮሚሽነር ዶሮ ካሩ አስታውቀዋል። ይህ ጥቃት ቀደም ሲል በኑዌር ዞን የተፈጸመውን የ16 ሰዎች ግድያ ተከትሎ የተከሰተ የበቀል እርምጃ መሆኑ ተጠቁሟል። የፖሊስ ምንጮችና ነዋሪዎች የክልሉ የፀጥታ መዋቅር አባላት ለብሔር ያላቸው ወገንተኝነትና የደቡብ ሱዳን ታጣቂዎች ተሳትፎ ለግጭቱ መባባስ አስተዋጽኦ እንዳደረጉ ገልጸዋል። ኮሚሽነሩ የደቡብ ሱዳን ባንዲራ የያዙ ታጣቂዎች በቦታው መኖራቸውን እና ጥቅም ላይ የዋሉት መሳሪያዎች መደበኛ የፀጥታ ኃይል ያልሆኑ መሆናቸውን አረጋግጠዋል። ሁኔታው ሲረጋጋ በፀጥታ ኃይሉ ውስጥ የሚታየውን የወገንተኝነት ችግር ለመፍታት እርምጃዎች እንደሚወሰዱ ተገልጿል።