የአሜሪካ ምክር ቤት የውጭ ጉዳይ ኮሚቴ በህወሓት የቅርብ ጊዜ እርምጃዎች ስጋቱን ገለጸ

የአሜሪካ ምክር ቤት የውጭ ጉዳይ ኮሚቴ ህወሓት የሰላም አማራጮችን በመተው ውጥረትን ማባባሱን በመግለጽ ጥብቅ ኮነና። ኮሚቴው ቡድኑ የወሰደው የቅርብ ጊዜ ወታደራዊ እርምጃ ኢትዮጵያን መልሶ ወደ ጦርነት ሊያስገባ እንደሚችል አስጠንቅቋል።

በኢትዮጵያ የአሜሪካ አምባሳደር ኤርቪን ማሲንጋ በበኩላቸው፣ የሰላም ውይይትን አለመቀበል እና ጦርነትን መምረጥ ለሕዝብ ጥቅም እንደማይሰጥ ገልጸዋል። አሜሪካ ኢትዮጵያን ወደ ተሳሳተ አቅጣጫ የሚገፉ አካላት ላይ ማዕቀብን ጨምሮ እርምጃ የመውሰድ አማራጭ እንዳላትም አምባሳደሩ አስታውቀዋል። የአሜሪካ የውጭ ጉዳይ መ/ቤት አፍሪካ ጉዳዮች ቢሮም ስጋቱን በመግለጽ፣ ሁሉም ወገኖች በአስቸኳይ ወደ ሰላም ውይይት እንዲመለሱ አሳስቧል።