Komiteen Dhimma Alaa Mana Maree Ameerikaa tarkaanfii TPLF fudhateef yaaddoo isaa ibse

Komiteen Dhimma Alaa Mana Maree Ameerikaa, TPLF karaa nagaa dhiisuudhaan waldhabdee hammaachisuu isaa cimsanii balaaleffatan. Komiteen kun tarkaanfiin waraanaa gareen kun dhiyeenya kana fudhate Itoophiyaa gara waraanaatti deebisuu akka danda'u akeekkachiiseera.

Ambaasaaddarri Ameerikaa Itoophiyaa Ervin Maasingaa gama isaaniin, marii nagaa diduufi waraana filachuun faayidaa uummataaf akka hin qabne ibsaniiru. Ameerikaan qaamolee Itoophiyaa karaa sirrii hin taaneen oofuu yaalan irratti tarkaanfii, dabalataanis sanqaawwan (sanction) fudhachuuf filannoo akka qabdu ambaasaaddarichi beeksisaniiru. Waajjirri Dhimma Afrikaa Ministeera Dhimma Alaa Ameerikaas yaaddoo isaa ibsuun, gareeleen hundi gara marii nagaa bu'a qabeessaatti akka deebi'an dhaamaniiru.