ኮሚቴ ጉዳያት ወጻኢ ባይቶ ኣመሪካ ኣብቲ ህወሓት ዝወሰዶ ስጉምቲ ዘለዎ ስግኣት ገሊጹ

ኮሚቴ ጉዳያት ወጻኢ ባይቶ ኣመሪካ፡ ህወሓት ሰላማዊ መገዲ ገዲፉ ውጥረት ንምህርማም ምምራጹ ኣትሪሩ ኮኒኑ። እቲ ኮሚቴ፡ እቲ ጉጅለ ዝወሰዶ ናይ ቀረባ ግዜ ወታደራዊ ስጉምቲ ንኢትዮጵያ ዳግም ናብ ኵናት ከእትዋ ከም ዝኽእል ኣጠንቂቑ።

ኣምባሳደር ኣመሪካ ኣብ ኢትዮጵያ ኤርቪን ማሲንጋ ብወገኖም፡ ዘተ ሰላም ምእባይን ኵናት ምምራጽን ንህዝቢ ረብሓ ከም ዘይብሉ ገሊጾም። ኣመሪካ ንኢትዮጵያ ናብ ግጉይ ኣንፈት ንምድፋእ ዝፍትኑ ኣካላት፡ ማዕቀብን ካልኦት ስጉምትታትን ናይ ምውሳድ መማረጺ ከም ዘለዋ ኣምባሳደር ኣፍሊጦም። ቢሮ ጉዳያት ኣፍሪካ መደበር ጉዳያት ወጻኢ ኣመሪካ እውን ስግኣቱ ብምግላጽ፡ ኩሎም ወገናት ብህጹጽ ናብ ናይ ሰላም ዘተ ክምለሱ ጸዊዑ።