Tajaajilli bilbilaa fi intarneetii naannoo Tigraayitti guutummaatti addaan cite

Naannoo Tigraayitti tajaajilli bilbilaa fi intarneetii guutummaatti addaan citeera. Akka gabaasa Rooyitarsii fi ibsa hoogganaa Paartii Simeret Obbo Haalafom Nir'aa irraa argameetti, gareen TPLF tajaajila bilbilaa fi intarneetii akka cufamu ajajeera. Gabaasni akka ibsutti, dhaabbanni Safarikoormis tajaajila isaa akka dhaabu ajajameera. TPLF tarkaanfii kana kan fudhate haleellaa diroonii mootummaa federaalaatiin gahu ittisuuf fi namoota mootummaa federaalaaf odeeffannoo kennan to'achuuf akka ta'e himameera. Haala kanaan dura, qaamoleen kun gartuu kanaan dura waa'ee cufiinsa neetwoorkii akeekkachiisaa turuun isaanii ni yaadatama. Cufiinsii neetwoorkii kun jiraattota naannichaa irratti miidhaa guddaa geessisuu danda'a.