ኣገልግሎት ስልኪን ኢንተርኔትን ኣብ ትግራይ ተዓጽዩ

ኣገልግሎት ስልኪን ኢንተርኔትን ኣብ ክልል ትግራይ ብምሉኡ ተቋሪጹ። ብመሰረት ጸብጻብ ሮይተርስን ኣመራርሓ ፓርቲ ስምረት ኣቶ ሓለፎም ንርኣን፡ ህወሓት ነቲ ናይ ቴሌኮም መሠረተ ልማት ብምቁጽጻር ነቲ ኣገልግሎት ከምዝዓጸዎ ተገሊጹ። ሳፋሪኮም እውን ኣገልግሎቱ ከቋርጽ ትእዛዝ ከምዝተወሃቦ እቲ ሓበሬታ የረድእ። ህወሓት ነዚ ስጉምቲ ዝወሰደሉ ምኽንያት፡ መንግስቲ ፌደራል ብድሮን ዝፍጽሞ ዘሎ መጥቃዕቲ ንምክልኻልን፡ ነቶም ንመንግስቲ ፌደራል ሓበሬታ ዝህቡ ውልቀሰባት ንምቁጽጻርን ምዃኑ ተገሊጹ። እቶም ኣመራርሓ ቀደም ኣትሒዞም እቲ መርበብ ሓበሬታ ክቋረጽ ከምዝኽእል መጠንቀቕታ ይህቡ ምንባሮም ይዝከር። እዚ ምቁራጽ መርበብ ሓበሬታ ኣብ ህዝቢ ትግራይ ዘለዎ ተጽዕኖ ዓቢ ክኸውን እዩ።