መንግስቲ ኳታር ኣብ ኢትዮጵያ ዝካየድ ዘሎ ወታደራዊ ምንቅስቓስ ኮኒኑ

መንግስቲ ኳታር ኣብ ልዕሊ ፌደራል ሓይልታት ኢትዮጵያ ዝካየድ ዘሎ ወታደራዊ ስጉምቲ ብምግላጽ ኮኒኑ። ሚኒስትሪ ጉዳያት ወጻኢ ኳታር ኣብ ዘውጽኦ መግለጺ፡ እዚ ተግባር ንሓድነትን ልዑላውነትን ኢትዮጵያ ከምኡውን ንሰላምን ምርግጋእን ቀርኒ ኣፍሪቃ ከቢድ ሓደጋ ዘስዕብ ምዃኑ ገሊጹ።

እቲ መንግስቲ ነቲ ወታደራዊ ወጥሪ ብቕልጡፍ ደው ክብል ጻውዒት ኣቕሪቡ። ሲቪላውያን ክሕለዉ ኣገዳሲ ምዃኑ ዝገለጸ እቲ መግለጺ፡ ኩሎም ወገናት ስምምዕ ሰላም ፕሪቶሪያ ክኽብሩ ኣተሓሳሲቡ። መንግስቲ ኳታር ንዕርቅን ሰላማዊ ፍታሕን ንዝግበር ኩሉ ጻዕሪ ድጋፉ ከምዝህብ ኣረጋጊጹ።