በአዲስ አበባ መርካቶ አካባቢ የእሳት አደጋ ተከሰተ

በአዲስ አበባ ከተማ መርካቶ አካባቢ "ጣሳ ተራ" በተባለ ቦታ ዛሬ ምሽት የእሳት አደጋ መከሰቱ ተሰምቷል። የአዲስ አበባ ከተማ አስተዳደር እሳትና አደጋ ስጋት ሥራ አመራር ኮሚሽን አደጋው መከሰቱን አረጋግጧል። የአደጋ ጊዜ ተሽከርካሪዎችና የኮሚሽኑ አመራሮች ወደ ቦታው ተሰማርተው የቁጥጥር ስራ እያከናወኑ መሆናቸው ተገልጿል።

መርካቶ በተደጋጋሚ የእሳት አደጋዎች የሚስተዋልበት አካባቢ ሲሆን፣ በተለይም "ጣሳ ተራ" አካባቢ በቅርቡ ተመሳሳይ አደጋ ተከስቶ በንብረት ላይ ከፍተኛ ውድመት መድረሱ ይታወቃል። እስካሁን በደረሰው ጉዳት መጠን እና የአደጋው መነሻ ምክንያት ላይ የተሟላ መረጃ አልወጣም። ሁኔታውን ለመከታተል የኮሚሽኑ አመራሮች ስራ ላይ መሆናቸው ታውቋል።