Magaalaa Finfinnee gabaa Merkatootti ibidday ka'e

Magaalaa Finfinnee gabaa Merkatoo kutaa 'Tasa Teraa' jedhamutti halkan har'aa ibidday ka'uun gabaafameera. Komishiniin Ittisaafi To'annoo Balaa Magaalaa Finfinnee balaan kun qaqqabuu isaa mirkaneesseera. Konkolaattoonni balaa gargaaruufi ogeeyyonni komishinichaa gara bakka sanatti bobba'anii hojiin to'annoo irra jiru.

Merkatoon bakka balaan ibiddaa irra deddeebi'ee itti uumamu yoo ta'u, keessattuu bakka 'Tasa Tera' jedhamutti kanaan dura ibidday cimaa ka'ee miidhaa qabeenyaa geessisee ture. Ammaaf guddina miidhaa qaqqabeefi ka'umsa ibidda kanaa ilaalchisee odeeffannoon guutun hin dhiyaanne. Hojjettoonni komishinichaa haalicha to'achuuf hojjechaa jiraachuu isaanii ibsameera.