ኣብ ኣዲስ ኣበባ መርካቶ ሓዊ ተላዒሉ

ኣብ ከተማ ኣዲስ ኣበባ መርካቶ ኣብ ዝርከብ "ጣሳ ተራ" ኣብ ዝተባህለ ቦታ ሎሚ ምሸት ሓዊ ከምዝተላዕለ ተገሊጹ። ኮሚሽን ምቁጽጻር ሓደጋ እታ ከተማ እቲ ሓደጋ ከምዘጋጠመ ኣረጋጊጹ ኣሎ። ተሽከርከርቲ ህጹጽ ግዜን ሓለፍቲ እቲ ኮሚሽንን ናብቲ ቦታ ብምኻድ ሓዊ ንምጥፋእ እናሰርሑ ምዃኖም ተፈሊጡ።

መርካቶ ተደጋጋሚ ሓደጋታት ሓዊ ዘጋጥሞ ከባቢ ኮይኑ፡ ብፍላይ "ጣሳ ተራ" ከባቢ ቀደም ኣቢሉ ከቢድ ሓደጋ ሓዊ ኣጋጢሙ ንብረት ከምዝዓነወ ይዝከር። ክሳብ ሕጂ ብዛዕባ እቲ ዝወረደ ጉድኣት መጠንን ምንጪ እቲ ሓደጋን ዝርዝር መረዳእታ ኣይወጸን። ሓለፍቲ እቲ ኮሚሽን ኩነታቱ ንምግታእ ኣብ ስራሕ ከምዘለዉ ተገሊጹ።