Dambii gamtaa Awurooppaa kan buna Itoophiyaa erguu irratti dhiibbaa uumuuf jiru

Dambii haaraan Gamtaa Awurooppaa buna, kookoo, horii, zayitii, raabarii, sooyaa fi muka gara biyyoota miseensaatti galan irratti bahe, oomishileen kun lafa bosonnii irraa ciramee erga Mudde 31, 2020 booda hin qabne irraa dhufuu akka qaban fi odeeffannoo iddoo lafaa (geolocation data) akka qabaatan dirqisiisa. Itoophiyaan bara baajataa darbe keessa buna erguun doolaara biliyoona 2.65 argachuun riikordii galteessiteerti. Bunaan galii ergaa alaa keessaa dhibbeentaa 31.9 kan qabatu yoo ta'u, ODI Global kan jedhamu dhaabbanni qorannoo biyya Ingilizii, dambii haaraan kun galii buna Itoophiyaa gara Awurooppaa ergamu keessaa doolaara miiliyoona 453 akka balaa irra buusu danda'u ibseera.