የአውሮፓ ህብረት ደንብ የኢትዮጵያ የቡና ምርት ወደ ውጭ የመላክ አቅም ላይ ተጽዕኖ ሊፈጥር ይችላል

የአውሮፓ ህብረት አዲስ ደንብ ወደ አባል ሀገራት የሚገቡ ምርቶች (ቡና፣ ኮኮዋ፣ ከብቶች፣ የዘንባባ ዘይት፣ ጎማ፣ አኩሪ አተር እና እንጨት) ከታህሳስ 31 ቀን 2020 በኋላ የተጨፈጨፈ ደን ካለባቸው መሬቶች አለመሆናቸውን የሚያረጋግጥ የጂኦግራፊያዊ መረጃ እንዲቀርብ ይደነግጋል። የኢትዮጵያ ብሔራዊ ባንክ መረጃ እንደሚያሳየው ኢትዮጵያ በያዝነው የበጀት ዓመት ከቡና ምርት 2.65 ቢሊዮን ዶላር በማግኘት ሪከርድ ሰብራለች። የለንደኑ የጥናት ተቋም ODI Global ግን ይህ አዲሱ ደንብ እስከ 453 ሚሊዮን ዶላር የሚደርስ የኢትዮጵያ የቡና ኤክስፖርት ገቢ አደጋ ላይ ሊጥል እንደሚችል አስጠንቅቋል።