ኣብ ትግራይ ሽራሮን ዓድዋን ብዝተፈፀመ ናይ ድሮን ደብዳብ ተፈናቐልቲ ሓዊሱ ሰቪላት ተቐቲሎም

ቀዳም ምሸት ኣብ ትግራይ ሰሜን ምዕራብ ዞን ሽራሮን ማእከላይ ዞን ዓድዋን ብዝተፈፀመ ናይ ድሮን ደብዳብ ሰቪላት ከምዝተቐትሉን ከምዝቖሰሉን ነበርትን መሰኻኽር ዓይንን ገሊፆም። ኣብ ሽራሮ ኣብ ዝርከብ መዕቖቢ ተፈናቐልቲ ሰዓት 8:15 ኣቢሉ ብዝተፈፀመ ደብዳብ ድሮን ትሽዓተ ሰባት ክቕተሉ እንከለዉ 14 ሰባት ድማ ቖሲሎም። እቲ ደብዳብ ካብ ምዕራብ ትግራይ ዝተፈናቐሉ ሰባት ኣብ ዝርከቡሉ ዓዲ ኣባይ በተባህለ ከባቢ እቲ መዕቖቢ ዝተፈፀመ እዩ። ሓደ ምስክር ከምዝሓበሮ ወላዲት ምስ ናይ ሒደት መዓልታት ሕፃን ውሉዳ ሓቢራ ምቕታላ ኣዝዩ ዘሕዝን ምኻኑ ገሊፁ። ብተመሳሳሊ ኣብ ከተማ ዓድዋ ኣብ እተፈላለዩ ቦታታት ብዝተፈፀመ ናይ ድሮን ደብዳባት ብዙሓት ሰቪላት ከምዝተቐትሉ ነበርቲ እንተሓበሩ እኳ፣ ዝተጎድኡ ሰባት ዝበፅሐ myክልቲ በቲ እዋን ብነፃ ወገን ኣረጋጊፅካ ምፍላጥ ኣይተኻእለን።