ካብ ግጭት ሞያሌ ዝተፈናቐሉ ዜጋታት ህጹጽ ሓገዝ ይሓቱ

ኣብ መንጎ ክልል ኦሮምያን ሶማለን ብዝተፈጠረ ናይ ግዝኣትን ምምሕዳርን ባእሲ ተኸሲቱ ካብ ሞያሌ ዝተፈናቐሉ ዜጋታት ህጹጽ ሰብኣዊ ሓገዝ ይሓቱ ኣለዉ። ካብ ዕለት 12 ጥቅምቲ 2017 ኣትሒዙ ኣብቲ ከባቢ ኣብ ዝተባረዐ ጎነጽ፡ መባርዕ ተኹሲ ከምዝነበረን ኣብያተ-ንግድን መንበሪ ኣባይትን ከምዝዓነዉን ተገሊጹ። እቶም ተፈናቐልቲ ከምዝገለጽዎ፡ ክሳብ ሕጂ ክሳብ 10,000 ዝበጽሑ ሰባት ናብ ኬንያ ከምዝሰገሩን መብዛሕትኦም ድማ ደቂ ኣንስትዮን ህጻናትን ምዃኖም ኣፍሊጦም። እቶም ተፈናቐልቲ መዕቆቢ፡ መግቢን ካልእ መሰረታዊ ድሌታትን ንምምላእ ይሽገሩ ከምዘለዉ ብምግላጽ፡ መንግስታዊን ሰብኣዊ ትካላትን ኢዶም ክእትዉ ጻውዒት ኣቕሪቦም። እቲ ግጭት ገና ይቕጽል ከምዘሎን ኣብ ህይወት ሰብ እውን ክሳራ ከምዘሎ ይሕበር ኣሎ።