Godina Wollo Kibbaatti buufata baqattootaa 'Jari 2' irratti haleellaa xiyyaaraa dheetee lubbuun namoota 18 darbe

Godina Wollo Kibbaatti, aanaa Tehuledere keessatti buufata baqattootaa 'Jari 2' irratti haleellaa xiyyaaraa dheetee (drone) geggeeffameen namoonni 18 lubbuun darbuu jiraattotaafi maddoota hospitaalaan mirkanaa'e. Haleellaan kun guyyaa Kamisaa kan raawwatame yoo ta'u, xiyyaarotni kunneen iddoo baqattootni itti qubatan bakka shan irratti haleellaa geessisuusaanii jiraattonni ibsaniiru. Namoota du'an keessaa daa'immanifi dubartootni ulfa kanneen keessatti argamu. Namootni 36 miidhamanii hospitaala sadarkaa tokkoffaa Hayiqitti kan geessifaman yoo ta'u, namootni 12 miidhaa cimaa irra ga'e hospitaala Dessietti ergamaniiru. Mootummaan hanga ammaatti waa'ee haleellaa kanaa ibsa hin kennine.