ኣብ ደቡብ ወሎ ኣብ ዝርከብ መዓስከር ተመዛበልቲ 'ጃሪ ቁጥር 2' ብዝተፈጸመ መጥቃዕቲ ድሮን 18 ሰባት ተቐቲሎም

ኣብ ክልል ኣምሓራ ዞባ ደቡብ ወሎ ወረዳ ተሁለደሬ ኣብ ዝርከብ መዓስከር ተመዛበልቲ 'ጃሪ ቁጥር 2' ብዝተፈጸመ መጥቃዕቲ ድሮን 18 ሰባት ከምዝተቐተሉ ነበርቲ እቲ መዓስከርን ምንጭታት ሆስፒታልን ንቢቢሲ ሓቢሮም። እቲ መጥቃዕቲ ትማሊ ሓሙስ ዘጋጠመ ኮይኑ፡ ድሮናት ኣብቲ መዓስከር ኣብ ዝርከቡ ናይ ሸራ መንበሪታት ሰለስተ ግዜ ከምዝወረዱ ተገሊጹ። ካብቶም ዝሞቱ ውሽጢ ህጻናትን ጥንስቲ ኣዴታትን ይርከብዎም። 36 ሰባት ናብ ቀዳማይ ደረጃ ሆስፒታል ሓይቅ ተወስዶም፡ ካብዚኦም እቶም 12 ከቢድ ጉድኣት ዘጋጠሞም ናብ ሆስፒታል ደሴ ተላኢኾም ኣለዉ። መንግስቲ ክሳብ ሕጂ ብዛዕባ እቲ መጥቃዕቲ ዝኾነ ይኹን መግለጺ ኣይሃበን።