ብሰንኪ ግጭት ሞያሌ ኣሽሓት ኢትዮጵያውያን ናብ ኬንያ ይስደዱ ኣለዉ

ብሰንኪ ኣብ ከባቢ ሞያሌ ኣብ ክልል ኦሮሚያ ዝተለዓለ ግጭት ልዕሊ 10 ሽሕ ነበርቲ ተመዛቢሎም ናብ ኬንያ ከም ዝሰገሩ ማሕበር ቀይሕ መስቀል ኬንያ ኣፍሊጡ። ተመዛቢልቲ ኣብ ትካላት ትምህርትን ሃይማኖትን ከምኡውን ኣብ ገዛውቲ ውልቀ ሰባት ተዓቚቦም ኣለዉ፤ ይኹን እምበር ሰብኣዊ ሓገዝ ኣዝዩ ውሱን እዩ። እቲ ግጭት ናብ ካልኦት ከባቢታት ከም ጉቺን ኣሬሮን ይዝርጋሕ ከም ዘሎ ነባራት ይገልጹ። ከንቲባ ከተማ ሞያሌ ኣቶ ገልማ ኮሮፊቻ እቲ ግጭት ኣብ መንጎ ክልተ ማሕበረሰባት ዝተፈጥረ ምዃኑ ብምግላጽ መንግስቲ ብቕልጡፍ መፍትሒ ክረኽበሉ ጸዊዖም። እቲ ፈደራላዊ መንግስቲ ክሳብ ሕጂ ብዛዕባ እቲ ግጭት ዝሃቦ ወግዓዊ መግለጺ የለን።