ግጭት ሞያሌ ተባባሲሩ፡ ዓሰርተታት ኣሽሓት ናብ ኬንያ ይስደዱ ኣለው

ኣብ ከተማ ሞያሌ ዝካየድ ዘሎ ግጭት ከይተረፈ ከይተቋረጸ ይቕጽል ምህላዉ ነበርቲን ጸብጻባት ቢቢሲን ኣረጋጊጾም። ቀይ መስቀል ኬንያ ከም ዝሓበሮ፡ ካብቲ ግጭት ንምህዳም ናብ ኬንያ ዝሰገሩ ተመዛበልቲ ቁጽሮም ብኣሽሓት ይግመት። ክሳብ ሕጂ ብዘሎ ሓበሬታ ልዕሊ 8,700 ሰባት ኣብ ዝተዳለወ መዕረፊ ሰፈራት ዘለዉ ክኾኑ ከለዉ፡ መብዛሕትኦም ተመዛበልቲ ግና ኣብ ገዛውቲ ውልቀ ሰባት ተጸሊሎም ኣለው። ተመዛበልቲ ከቢድ ሕጽረት መግቢ፡ ማይን መዕረፊን የጋጥሞም ከም ዘሎን ቅልጡፍ ሓገዝ ከም ዘድልዮምን ተገሊጹ። ከንቲባ ከተማ ሞያሌ ኣቶ ገልማ ኮሮፊቻ፡ ግጭቱ መበገሲኡ ናይ ዶብ ጉዳይ ምዃኑ ብምግላጽ፡ ካብ ዞባ ሶማሌ ዝመጹ ሓይልታት ተሓተትቲ ከም ዝኾኑ ወቒሶም።