Qophiiwwan nyaataa El Niinoon walqabatee gochuu qabnu

Ogeeyyiin jijjiirama qilleensaa fi El Niinoon walqabatee dhiibbaa dhiyeessii soorataarratti uumamuu danda'uuf dursanii qophaa'uun akka barbaachisu gorsu. Pirofeesar Richaard Waayilding, ogeessi tarsiimoo cancala dhiyeessii, namoonni akka malee yaadda'uu akka hinqabneefi yeroo balaa soorata idileerraa adda ta'e akka qopheeffatan himu. Dr. Saamii Jillifi Rebekaan MaakMaanman nyaata akka qamadii, boqqoolloo, ruuziifi paastaa akkasumas pirotiinii akka shumburaa, missiraafi qurxummii qorqoorroo keessatti saamsame dursa akka kennan gorsu.

Saayintistonni kun kuduraalee, aannaaniifi meeshaalee biroo yeroo dheeraaf turuu danda'an qabachuun faayidaa qaba jedhu. Nyaatawwan ashaboofi sukkaara baay'inaan qaban kan akka inistaant nuudiliifi chokkoleetii dhiisuun barbaachisaadha jedhan. Qulqullina nyaata saamsamee ilaalchisee Dr. Jill akka jedhutti, nyaatawwan kunneen pirotiinii, kaarbohaayidireetiifi faayibarii gahaa qabaatanis, vitaaminonni B fi C xiqqoo hir'achuu danda'u. Haalli kamiyyuu yoo uumame guyyaatti dhangala'aa liitira 1.5 hanga 2.5 fudhachuun fayyaa namaaf murteessaa akka ta'e yaadachiisu.