Lammiileen Itoophiyaa Somaliland, Puntland fi Naannoo Somaalee keessatti haleellaan irratti raawwatamaa jiraachuu ibsan

Lammiileen Itoophiyaa magaalaalee Booramaa, Gaarowee fi Jigjigaa keessa jiraatan, walitti bu'iinsa Moyyaalee hordofee haleellaa fi doorsisni irratti raawwatamaa jiraachuu BBC'tti himan. Jiraattonni Booramaa manneen isaanii 150 ol barbadaa'uu fi saamichi irratti raawwatamee lammiileen hedduun gara buufata xiyyaaraa baqachuu dubbatan. Haleellaan kun namoota eenyummaa isaaniitiin xiyyeeffatamee raawwatamaa jiraachuu fi qaamolee gurmaa'aniin akka ta'e himuun, mootummaan hatattamaan tarkaanfii akka fudhatu gaafataniiru. Bulchiinsi naannoo Awdal shakkamtoota tokko tokko to'annoo jala oolchuu isaa ibseera.