በሶማሌላንድ፣ በፑንትላንድ እና በሶማሌ ክልል ኢትዮጵያውያን ላይ ጥቃት እየተፈጸመ መሆኑ ተገለጸ

በሶማሌላንድ ቦረማ፣ በፑንትላንድ ጋርዌ እና በጅግጅጋ የሚኖሩ ኢትዮጵያውያን በሞያሌ በተፈጠረው ግጭት ምክንያት ኢላማ የተደረጉ ጥቃቶችና ማስፈራሪያዎች እየደረሱባቸው መሆኑን ለቢቢሲ ተናገሩ። በቦረማ ብቻ ከ150 በላይ ቤቶች እንደተዘረፉና እንደወደሙ እንዲሁም በርካታ የኦሮሞ ተወላጆች ከአካባቢው ለቀው በአውሮፕላን ማረፊያና በሌሎች ቦታዎች መጠለላቸውን ነዋሪዎች ገልጸዋል። በጋርዌ የሚኖሩ ኢትዮጵያውያንም ተመሳሳይ የዘረፋና የጥቃት ድርጊቶች እየተፈጸሙባቸው መሆኑንና በመንግስት በኩል ፈጣን መፍትሄ እንዲሰጣቸው ጠይቀዋል። የአውዳል አስተዳደር በቦረማ በተፈጸመው ጥቃት ተጠርጣሪዎችን በቁጥጥር ስር ማዋሉን የገለጸ ሲሆን የኢትዮጵያ መንግስት ዜጎቹን እንዲታደግ ጥሪ ቀርቧል።