ኣብ ደቡብ ኣፍሪካ ኣብ ዘይሕጋዊ ማእከል መሕወዪ ዝነበሩ ልዕሊ 200 ሰባት ተረኺቦም

ፖሊስ ደቡብ ኣፍሪካ ኣብ ግዝኣት ምፑማላንጋ ብቤተ-ክርስትያን ዝመሓደር ዘይሕጋዊ ማእከል መሕወዪ ብምውራር ልዕሊ 200 ሰባት ሓራ ኣውጺኡ። ኣብቲ ማእከል ዝነበሩ ሰባት ብሰንሰለት ተኣሲሮምን ከቢድ መውቃዕቲ በጺሕዎምን ከም ዝነበረ ተገሊጹ። ነቲ ማእከል ዘመሓድሩ ዝነበሩ ሰብኣይን ሰበይትን ብገበን ጅሆ ምሓዝ ተጠርጢሮም ተታሒዞም ኣለዉ። እቲ ማእከል ንነፍሲ ወከፍ ሰብ ወርሓዊ 3,000 ራንድ ይኽፍሉ ከም ዝነበሩ ተፈሊጡ። ድሕሪ እቲ ወረራ 14 ሰባት ናብ ሆስፒታል ተላኢኾም፣ 132 ድማ ምስ ስድራቤቶም ተራኺቦም ኣለዉ። እቶም ተጠርጠርቲ ሰኑይ ናብ ቤት ፍርዲ ክቐርቡ እዮም።