Ajajaan waraana TPLF Kibba Tigraay Meejar Jeneraal Yohaannis W/Goorgis harka kennachuu isaanii gabaafame

Meejar Jeneraal Yohaannis W/Goorgis, ajajaan waraana TPLF Kibba Tigraay kan turan, Raayyaa Ittisa Biyyaa Itoophiyaatti harka kennachuu isaanii maddoonni BBC'tti himan. Jeneraalichi, eegdotaa isaa fi ajajota waraanaa torba waliin, Wiixata darbe Godina Giddugaleessa Tigraay, Aanaa Raamaa, naannoo Qushee Simret jedhamutti humnoota mootummaa Itoophiyaan marfamanii qabamuun isaanii gabaafameera. Yeroo ammaa magaalaa Adwaa harka Raayyaa Ittisa Biyyaa Itoophiyaa jiraachuu isaanii ibsameera. Mootummaan Itoophiyaa hanga ammaatti dhimma kana irratti ibsa hin kennine. Jeneraal Yohaannis bara 2021 humnoota Tigraay deebisanii gurmeessuu fi hoogganuu keessatti gahee olaanaa qabaachuu isaatiin beekama.