የህወሓት የደቡብ ትግራይ አዛዥ ሜጀር ጀነራል ዮሐንስ ወልደጊዮርጊስ እጅ መስጠታቸው ተሰማ

የህወሓት የደቡብ ትግራይ ወታደራዊ አዛዥ ሜጀር ጀነራል ዮሐንስ ወልደጊዮርጊስ (ጆን ሜዲድ) ለኢትዮጵያ መከላከያ ሠራዊት እጅ መስጠታቸውን ምንጮች ለቢቢሲ ተናገሩ። ጀነራሉ፣ ጠባቂዎቻቸውና ሰባት የኮሎኔል ማዕረግ ያላቸው አዛዦች ባለፈው ሰኞ በአድዋ አካባቢ በሚገኝ ቆሼ ስምረት በተባለ ቦታ እንደተያዙ ተገልጿል። የኢትዮጵያ መንግሥት እስካሁን ስለዚህ ጉዳይ ኦፊሴላዊ መግለጫ አልሰጠም። ጀነራል ዮሐንስ ከዚህ ቀደም በኢትዮጵያ መከላከያ ሠራዊት ውስጥ ከፍተኛ አመራር የነበሩ ሲሆን፣ የትግራይ ጦርነት ከተጀመረ በኋላ ኃይሉን በማደራጀት ትልቅ ድርሻ እንደነበራቸው ይነገራል።